Singapurda dekabr oyidan boshlab koronavirusga qarshi emlanmagan fuqarolarning tibbiy xarajatlari to‘lab berilmaydigan bo‘ldi. Bu haqda Interfax xabar berdi.
“Hozirgi kunda emlanmagan fuqarolar stansionar davolanishga muhtoj insonlarning katta qismini tashkil etadi va ular bizning sog‘liqni saqlash resurslarimizga juda katta yuklama bo‘lib qolmoqda”, – deyiladi Singapur sog‘liqni saqlash vazirligi bayonotida.
Shu bilan birga bayonotda 8 dekabrdan boshlab Covid-19‘ga qarshi emlanmagan fuqarolardan tibbiy xizmat uchun to‘lov talab qilinishi qayd etilgan. Bu faqat 12 yoshgacha bo‘lgan bolalar va salomatligi tufayli vaksina ololmaydigan bemorlar uchun tatbiq etilmaydi.
Avvalroq Singapurda koronavirusga qarshi emlanmaganlar uchun yangi cheklovlar joriy etilgani xabar qilingandi.
Jahongir Qo'ziyev