Республика ихтисослаштирилган она ва бола саломатлиги илмий-амалий тиббиёт маркази Сурхондарё филиалида уч нафар эгизак туғилди. Бу ҳақида Соғлиқни сақлаш вазирлиги хабар берди.
Қайд этилишича, 1996 йилда туғилган Шодигул Аҳмедова бир йўла икки ўғил ва бир нафар қизни дунёга келтирган.
- Биринчи чақалоқ – ўғил, вазни 2260 грамм, бўйи 46 сантиметр;
- Иккинчи чақалоқ – қиз, вазни 2450 грамм, бўйи 46 см;
- Учинчи чақалоқ – ўғил, вазни 2350 грамм, бўйи 46 см.
Она ва чақалоқлар аҳволи қониқарли, уларга мутахассислар томонидан зарур тиббий ёрдамлар кўрсатилмокда.
Чақалоқлар отаси шўрчилик Бобобек Холёровнинг ҳам хурсандчилиги чексиз. У фарзандлари соғлом ҳолда дунёга келишига яқин кўмакчи бўлган тиббиёт ходимларидан миннатдор.