"Толибон" Гилменд вилоятида Афғонистон ҳарбий ҳаво кучлари вертолётини уриб туширди
"Толибон" радикал ҳаракати Афғонистон ҳарбий ҳаво кучлари Гилменд провинциясида вертолётини уриб туширганини тасдиқлади.
"Гилменд вилояти марказидагм Над-е Али тумани яқинида душман ҳарбий вертолёти ҳаракат аъзолари томонидан уриб туширилди. Шунингдек туман маркази ва полиция раҳбари қўлга олинди", - деб ёзди ҳаракат вакили Заибулла Мужохед ўзининг Twitter саҳифасида.
Шунингдек, толиблар ҳужум вақтида кўплаб афғонлар ҳалок бўлгани, қуроллар қўлга олинганини хабар қилган.
Аммо, ОАВ хабарига кўра, Гилмендда вертолёт авария ҳолатида қўнган.
Пажвак маҳаллий агентлигининг Афғонистон аримиясига таяниб берган хабарига кўра, вертолёт "Толибонга" қарши операция вақтида техник сабабларга кўра қаттиқ қўнишни амалга оширган.
Армия хабарига кўра, ҳеч ким жабрланмаган. Бортда бўлганлар эвакуация қилинган, вертолёт эса йўқ қилинган.
Шарофат Маҳмудова
