Тошкент аэропортида 1,5 млрд сўмлик соат тўхтатиб қолинди
Фуқаро декларацияланмаган соатни қўл сумкасига яшириб, ноқонуний олиб ўтишга уринган.
Жорий йилнинг 24 август куни соат 02:40 атрофида “Ислом Каримов” номидаги Тошкент халқаро аэропорти чегара-божхона пости ходимлари томонидан “Дубай-Тошкент” йўналиши бўйича учиб келган Ўзбекистон Республикаси фуқароси тегишли тартибда текширилган.
Натижада унга тегишли бўлган қўл сумкаси ичидан божхона назоратига белгиланган тартибда тақдим этилмаган, декларацияланмаган, жисмоний шахслар томонидан олиб кириш меъёридан ортиқ бўлган, қиймати 1 млрд 540 млн 260 минг сўмлик 1 дона сариқ рангли металлдан ясалган, оқ рангли тошлар билан безатилган “Patek Philippe Geneve” ёзувли қўл соати борлиги аниқланган.
Ҳозирда мазкур ҳолат юзасидан суриштирув ҳаракатлари олиб борилмоқда.
