Тошкент вилоятида электроскутерлар ишлаб чиқарилади
Шу орқали 50 та иш ўрни яратиш режалаштирилган.
Тошкент вилояти Янгийўл туманида Хитойнинг "Ekomoto" хорижий корхонаси томонидан скутер ишлаб чиқариш ташкил этилмоқда. Бу ҳақида Тошкент вилояти ҳокимлиги хабар берди.
Янгийўл тумани ҳокими О.Атауллаев инвесторлар билан учрашиб, "Ekomoto" корхонаси билан меморандум имзолади. Ушбу лойиҳа қийматида тўғридан-тўғри 10,0 млн доллар хорижий инвестисияни киритиш ҳамда 50 та доимий иш ўрнини яратиш режалаштирилган.
Мазкур лойиҳада кўрсатилган замонавий ва рақобатбардош электроскутерлар 2025 йилнинг 2-чорагидан бошлаб Янгийўл туманида ишлаб чиқарила бошлайди.
