Тошкентда автобус 2 та машина билан тўқнашиб кетди
ЙТҲ оқибатида бир кишига тиббий ёрдам кўрсатилган.
Ижтимоий тармоқда Тошкент шаҳар Юнусобод туманида 3 та автомашина иштирокида ЙТҲ содир бўлгани акс этган видео тарқалганди. Ушбу ҳолат юзасидан Тошкент шаҳар ИИББ матбуот хизмати маълумот берди.
Қайд этилишича, 29 август куни соат 12:30 атрофида Юнусобод тумани Амир Темур кўчасида Lacetti, Yutong жамоат транспорти ва ZEEKR автомашиналари тўқнашиши оқибатида йўл транспорт ҳодисаси содир бўлган.
ЙТҲ натижасида Lacetti автомашинаси йўловчисига шифокорлар томонидан биринчи тез тиббий ёрдам кўрсатилган. Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
