Ижтимоий тармоқда Тошкентда эркак киши юзини беркитиб, аёллар кийимини кийиб олгани акс этган видео тарқалди. Ҳолат юзасидан ИИВ матбуот хизмати раҳбари Шоҳруҳ Ғиёсов маълумот берди.
Аниқланишича, бугун, 23 июль куни Бектемир тумани ИИО ФМБ ЖТСБ ППХ сафдор ходими А.Тўйчиев хизмат йўналишда Қўйлиқ деҳқон бозори ерости йўлида шубҳа уйғотган юзини беркитган аёл кишини тўхтатган. Фуқаронинг шахсига аниқлик киритиш мақсадида текширганида у 1981 йилда туғилган, Фарғона вилоятида яшовчи эркак жинсига мансуб М.У. эканлиги маълум бўлган.
Ҳозирда ушбу шахснинг бундай ҳаракатларини асл сабаби ўрганилмоқда.