Тошкентда бегона аёл мактаб ўқувчисини олиб қочмоқчи бўлди
Ҳолат юзасидан расмий муносабат билдирилди.
Ижтимоий тармоқда Тошкентда бегона аёл мактаб ўқувчисининг қўлидан ушламоқчилиги акс этган видео тарқалди. Ҳолат юзасидан Тошкент шаҳар ИИББ Матбуот хизмати изоҳ берди.
Қайд этилишича, жорий йилнинг 10 февраль куни тахминан соат 14.00 ларда Бектемир тумани Билол Нозим кўчасида жойлашган бекат олдида 1990 йилда туғилган, мунтазам равишда руҳий-асаб касалликлари диспансерида даволаниб турувчи Р.Ч. ўзига бегона бўлган мактаб ўқувчисини олдига келиб у билан мулоқотга киришган. Шубҳали кўринган аёл маҳалла фуқароларини кўриб, кетиб қолган. Кўрилган тезкор чора-тадбирлар натижасида аёл ушланган.
Мазкур ҳолат юзасидан Бектемир тумани ИИО ФМБ томонидан терговга қадар текширув ўтказилмоқда. Текширув якуни бўйича қонуний қарор қабул қилиниши таъминланади.
