Тошкентда эркак ток уриши оқибатида вафот этди
Унинг томга нима мақсадда чиққани маълум қилинди.
Бугун, 11 август куни Тошкент шаҳрининг Яшнобод туманида эркак бино томида ток уриши оқибатида вафот этди.
Бош прокуратура матбуот котиби Ҳаёт Шамсутдиновнинг маълум қилишича, провайдер монтажчиси (марҳум) буюртма асосида автомобилларга хизмат кўрсатиш шохобчасига келган. У бино томига чиқиб Wi-Fi тармоғини ўрнатмоқчи бўлганда, ток уриши оқибатида вафот этган.
Ҳозирда мазкур ҳолат юзасидан терговга қадар текширув ишлари олиб борилмоқда.
