Тошкентда фуқаролар қарз сабаб муштлашди
Ҳолатга расмий муносабат билдирилди.
Ижтимоий тармоқда Тошкент шаҳрининг Чилонзор туманида бир нечта фуқаролар ўзаро жанжаллашгани акс этган видео тарқалиб, турли муҳокамаларга сабаб бўлмоқда. Ҳолат юзасидан шаҳар ИИББ расмий муносабат билдирди.
Қайд этилишича, 4 июль куни 19:30 ларда Чилонзор туманидаги савдо марказларининг бирида олдиндан таниш бўлган 20 ёшли A.O. ҳамда 34 ёшли Ф.У. қарз масаласида жанжаллашиб кетган. Уларнинг жанжалига 2007 йилда туғилган Ф.O. аралашиб, бир-бирини қўл ва оёқлари билан урган. Зудлик билан воқеа жойига етиб келган ППХ ходимлари жанжални тўхтатишган. Тиббий ёрдам учун шифохонага мурожаат қилганлар йўқ.
Мазкур ҳолат юзасидан Чилонзор тумани ИИО ФМБ томонидан терговга қадар текширув ўтказилмоқда.
