Тошкентда каламуш кўпайгани айтилмоқда
Санепидқўмита ҳолатга расмий муносабат билдирди.
Бугун ижтимоий тармоқда Чилонзор тумани Чилонзор метро бекати яқинида каламушларнинг юргани акс этган видеохабар тарқалди. Ҳолатга Санепидқўмита Тошкент шаҳар бошқармаси расмий муносабат билдирди.
Маълум қилинишича, видеодаги ҳолат бўйича Чилонзор туман бўлими мутахассислари томонидан ўрганиш ишлари амалга оширилган. Видеодаги ҳолатнинг келиб чиқишига фуқаролар томонидан чиқиндиларнинг махсус жойларга ташламаслиги сабаб бўлган.
Ҳозирда ҳудудда дезинфекторлар томонидан дератизация ҳамда дезинсекция ишлари амалга оширилган.
