Тошкентда поездда “селфи” олмоқчи бўлган йигитни ток урди
Унинг танаси 98 фоиз куйгани айтилмоқда.
Тошкентда поезд вагони томида “селфи” олмоқчи бўлган 18 ёшли йигитни ток урди. Бу ҳақда “Миллар” информацион дастурида хабар берилди.
Маълум қилинишича, воқеа 20 сентябрь куни соат 19:05 да “Ҳамза” станциясида содир бўлган.
Йигит электр токи уриб, ерга йиқилган ва воқеа жойига етиб келган станция ходимлари унинг ёниб кетган кийимларини ўчиришган. Жабрланувчига биринчи тиббий ёрдам кўрсатилган ва тез ёрдам чақирилган.
Йигит танасининг 98 фоизи ток уриши натижасида куйгани ва ҳозирда аҳволи оғир экани айтилмоқда. Ҳуқуқ-тартибот идоралари ходимлари суриштирув ишларини олиб бормоқда.
