Тошкент шаҳрида трамвай ҳаракатини ташкил этиш бўйича дастлабки ишлар бошланган. Бу ҳақда “Pressuzb” телеграм канали хабар бермоқда.
Қайд этилишича, ҳозирда хорижга чиқиб кетган собиқ “трамвайчилар”ни қайтариш ва хориждан мутахассисларни жалб қилиш ишлари кетмоқда. Хусусан, Туркия ва Чехиядан мутахассислар чақирилмоқда.
“Йўналишлар харитаси яқин бир йил ичида ишлаб чиқилиб, трамвай йўлларини қуриш 2023 йилдан бошланиши режа қилинмоқда”,— дейилади хабарда.
Эслатиб ўтамиз, аввалроқ Президент Тошкент шаҳрида “Яшил” транспорт тизимини ривожлантириш ва трамвай йўналишини белгилаш бўйича кўрсатмалар берганди.
Жавоҳирбек ТУРСУНОВ
