Бугун, 11 июнь куни соат 13:24 атрофида Тошкент шаҳар Сергели тумани 6-А даҳасидаги автосалон олдида жойлашган автосервисда ёнғин содир бўлди.
Воқеа содир бўлган жойга 4 та ёнғин-қутқарув экипажи етиб бориб, ёнғин соат 13:44 да қуршаб олинган ва соат 13:51 да ўчирилган.
Ёнғин натижасида автосервиснинг ички қисми ва ички қисмида бўлган 3 та автомобиль ёниб зарарланган.
Ёнғин сабаби ва моддий зарар миқдори аниқланмоқда. Ҳодиса оқибатида тан жароҳати олган ва ҳалок бўлганлар тўғрисида маълумот келиб тушмаган.