Бугун, 19 декабрь куни Тошкент шаҳрининг Мирзо Улуғбек туманидаги овқатланиш шохобчасида ёнғин чиқди. Бу ҳақида пойтахт Фавқулодда вазиятлар бошқармаси хабар берди.
Қайд этилишича, соат 11:04 да Мирзо Улуғбек тумани Яланғоч даҳасида жойлашган овқатланиш шохобчасида ёнғин содир бўлаётгани тўғрисида Тошкент шаҳар ФВБга хабар келиб тушган.
Шунга кўра, ёнғин-қутқарув техникалари айтилган манзилга соат 11:07 да етиб бориб, ёнғин соат 11:15 да ўчирилган.
Ёнғин оқибатида ҳалок бўлган ва жабрланганлар йўқ. Ҳозирда ёнғин сабаби ва келтирилган моддий зарар аниқланмоқда.