Тошкентдан Анқарага мунтазам авиапарвозлар йўлга қўйилди
Рейслар ҳафтада бир марта — душанба кунлари амалга оширилиши режалаштирилган.
Туркиянинг AnadoluJet авиакомпанияси Тошкентдан Анқарага мунтазам авриапарвозларни йўлга қўйди. Бу ҳақда Uzbekistan Аirports хабар берди.
Бугун маҳаллий вақт билан соат 05:11 да Туркиянинг AnadoluJet авиакомпанияси самолёти Тошкент халқаро аэропортига келиб қўнди.
Анқара — Тошкент — Анқара йўналишидаги Boeing 737-800 русумидаги самолёт сув аркаси билан, экипаж аъзолари ва 160 нафар йўловчилар кутиб олинди.
Ушбу йўналишдаги рейслар ҳафтада бир марта — душанба кунлари мунтазам равишда амалга оширилиши режалаштирилган.
Маълумот учун: AnadoluJet бош қароргоҳи Анқарада жойлашган, Turkish Airlines лойиҳаси бўлган турк авиакомпанияси. Авиакомпания паркида 59 та самолёт мавжуд бўлиб, улар 89 та йўналишда ички ва халқаро парвозларни амалга оширади.
