Трамп томонидан лавозимга тайинланганларга таҳдид қилинмоқда
ФҚБ "бомба ва миналаштириш таҳдидлари" билан боғлиқ кўплаб ёлғон хабарлар мавжудлигидан хабардор эканини тасдиқлади.
АҚШнинг сайланган президенти Дональд Трамп томонидан Оқ уйнинг бўлажак маъмурияти аъзолари сифатида кўрсатилган бир неча киши Федерал Қидирув Бюросига портловчи қурилмалар билан боғлиқ таҳдидлар олгани ҳақида хабар берган.
Таҳдидлар ҳақида биринчи бўлиб Трампнинг инаугурациясидан сўнг АҚШнинг БМТдаги доимий вакили этиб тайинланиши керак бўлган Элиз Стефаник хабар берди.
Трампнинг ўтиш гуруҳи матбуот котиби Керолин Левиттнинг айтишича, ҳуқуқ-тартибот идоралари таҳдидларга учраган бир неча кишининг хавфсизлигини таъминлаш учун тезда чора кўрган.
"Президент Трамп бизга бу борада мисол бўлади, биз таҳдидлар билан тўхтаб қолишимизга йўл қўймаймиз", — дея таъкидлади Левитт сайлов кампанияси пайтида Трампга амалга оширилган суиқасдга уринишларига ишора қилиб.
