Қишки Олимпия ўйинларида иштирок этадиган ҳамюртимиз Комилжон Тўхтаев эртага иштирокини бошлайди.
Спортчимиз сўнгги тайёргарлик жараёнини италиялик мураббийи Маттиа Жианесси билан олиб борди. Жианесси Комилжон Тўхтаевнинг бўлажак старти олдидан қуйидаги фикрларни билдириб ўтди.
“Бир неча кун давомида Комилжон билан Олимпиада стартига тайёрландик. Ҳақиқатдан ҳам, трасса жуда мураккаб. Аввалги дастурда бир нечта фаворитларнинг финишга етиб кела олмаганига ҳам гувоҳ бўлдик. Бироқ биз олдимизга аниқ мақсад қўйганмиз va унда энг яхши натижамизни кўрсатишга ҳаракат қиламиз. Европаликлар медални қўлга киритишда етакчилик қилиши турган гап. Биз уларга кескин рақобат туғдиришга ҳаракат қиламиз. Комилжондан осиёлик рақибларидан юқори натижа қайд этишига ишонаман”.
Эслатиб ўтамиз, эртага Комилжон Тўхтаев гигант слалом дастурида ўз чиқишини бошлайди. Ҳамюртимизнинг дастлабки старти Тошкент вақти билан 07:15 да бошланадиган дастурга тўғри келади.
Аввалроқ, финлар Олимпиaдада биринчи олтин медални қўлга киритгани va қишки Олимпия ўйинларининг саралаш беллашувлари бошлангани ҳақида xabar берилганди.
Жамшидбек Амиров