Халқаро Паралимпия қўмитаси россиялик ва белоруслик спортчиларни ўйинлардан четлатди
Бошқа давлат спортчилари улар билан бир мусобоқада иштирок этишни хоҳламаяпти.
Ташкилотнинг янги баёнотига кўра, Россия Федерацияси ва Беларусь спортчиларининг 2022-йилги Паралимпия ўйинларида қатнашиши тақиқланган.
“Махсус чақирилган йиғилишдан сўнг Халқаро Паралимпия қўмитаси бошқаруви Россия Паралимпия қўмитаси ва Беларусь Миллий Паралимпия қўмитаси спортчиларининг 2022-йилги мусобақада иштирок этиш учун аризаларини рад этишга қарор қилди”, дейилади хабарда.
Қайд этилишича, бундай қарорга айрим жамоалар россияликлар ва беларуслар билан бир мусобоқада иштирок этиш истаги йўқлигини билдиргани ҳамда олимпия қишлоқларида кескинлик кучайгани сабаб бўлган.
