Эрон ва Хитой мудофаа соҳасида ҳамкорликни кучайтиради. Бу ҳақда Хитой мудофаа вазири Вэй Фэнхэ Теҳронга ташрифида келишувга эришган.
Эрон қуролли кучлари штаб бошлиғи Муҳаммад Ҳусайн Багирийнинг сўзларига кўра, томонлар қўшма ҳарбий машғулотлар ва тажриба алмашинуви йўналишида ҳамкорликни кучайтиради.
“Шу тариқа биз икки томонлама хавфсизликни таъминлашимиз мумкин”, – деган у.
Эрон президенти Иброҳим Раисий Теҳрон ва Пекин ўртасидаги муносабатларни стратегик даражада деб баҳолаган. Шу билан бирга у Хитой билан тузилган 25 йиллик ҳамкорлик келишувини эслатиб ўтган.
Аввалроқ Исроил Эрон ҳаво мудофаа иншоотларига ракета ҳужуми уюштиргани тўғрисида хабар берилганди.