Хитой жанубида бахтсиз ҳодиса юз берди. Гуанжи-Чжуан автоном туманида автомобилнинг қоядан қулаши оқибатида 11 киши ҳалок бўлди. Хитой матбуотига кўра, воқеа содир бўлган вақтда машинада 14 киши бўлган.
Автомобиль ҳайдовчиси бошқарувни йўқотиши оқибатида у катта баландликдан сувга қулаган. Уч киши сувда тирик чиқишга муваффақ бўлган. Аммо улар оғир аҳволда касалхонага ётқизилган.
Воқеа тафсилотлари ҳуқуқ-тартибот идоралари ходимлари томонидан ўрганилмоқда.