Хитойлик аёл мушуги сабаб ишдан бўшатилди
Мушуги унинг номидан компанияга хат юборган.
Хитойда мушук тасодифан иш берувчига хат юбориб, эгасини “ишдан бўшатди”. Бу эса аёлнинг ишини ва йиллик мукофотини йўқотишига олиб келди.
Чонгқинг шаҳрида яшовчи йигирма беш ёшли аёл январь ойи бошида ишдан бўшаши тўғрисида ариза ёзган, аммо уни юборишга журъат этмаган. Чунки унга тўққизта мушукни боқиш учун пул керак эди. Бироқ унинг уй ҳайвонларидан бири хатни жўнатишга қарор қилди: хавфсизлик камераси мушук столга сакраб тушгани ва тасодифан ноутбукдаги тугмани босиб, хўжайинига хатни юборган пайтни суратга олган.
Аёл вазиятни раҳбарига тушунтиришга уриниб, айбни мушугига юклади, аммо раҳбари унга эътибор бермади. Натижада у ишсиз ва бу йил 29 январга ўтар кечаси бошланадиган баҳор байрами олдидан кўплаб компаниялар тўлайдиган мукофотсиз қолди.
