"Хорижий агентлар тўғрисида"ги қонун лойиҳаси қайтариб олинди
Бу мамлакатда йирик норозилик намойишларига сабаб бўлганди.
“Грузия орзуси” демократик ҳукмрон партияси норозиликларга сабаб бўлган "Хорижий агентлар тўғрисида"ги қонун лойиҳасини парламентдан қайтариб олди.
Аввалроқ парламент депутатлари хам шу қонун лойиҳаси сабаб муштлашган эди. Ҳужжат чет элдан молиялаштириш даражаси 20%дан кўп бўлган медиа ташкилотларни хорижий агент сифатида рўйхатга олишни кўзда тутади.
Қонунга қаршилар унинг қабул қилиниши авторитаризмга ўтишни англатиб, Грузияинг ЕИга киришига тўсиқ бўлишини айтган.
Республика президенти Саломе Зурабишвили қонун лойиҳасига вето қўйишини айтса-да, унинг муаллифлари ҳужжат хорижий давлат вакиллари томонидан молиялаштириладиган ташкилотлар шаффофлигини таъминлаш учун зарурлигини айтмоқда. Конституция бўйича парламент президент ветосини инкор қилиши мумкин.
