Хорватияда икки поезднинг тўқнашуви оқибатида уч киши ҳалок бўлди. Яна 11 киши, жумладан, Эрон фуқаролари жароҳат олган.
Тўқнашув Новска шаҳри яқинида содир бўлган. Тасдиқланмаган маълумотларга кўра, йўловчи поезди светофорнинг қизил чироғидан ўтиб кетган, кейин эса юк поездига бориб урилган.
Ҳозирда одамларни қутқариш ишлари давом этмоқда. Воқеа жойига Хорватия бош вазири Андрей Пленкович ҳам етиб келган.
Эслатиб ўтамиз, аввалроқ Хорватия шимоли-ғарбида йирик йўл-транспорт ҳодисаси юз берган эди. Польшалик зиёратчиларни олиб кетаётган автобуснинг ағдарилиб кетиши оқибатида 11 киши ҳалок бўлган, 34 киши яраланган.
