Исроилнинг “Темир гумбаз” мудофаа тизими Ҳусийлар томонидан Тел-Авивга йўлланган баллистик ракетани ушлаб қола олмаган. Ракета 8 та тураржой биноларидан иборат комплексга тушган. Ҳодиса жойига ёнғин ўчириш гуруҳлари юборилган.
Фалокат жойи ўраб олиниб, ҳозирда полиция ва ҳарбий разведка мутахассислари ишламоқда. Ракета ҳужуми оқибатида 30 киши жароҳатланган.
"Бу Ҳусийларнинг сўнгги кунларда Исроилга уюштирган иккинчи ракета зарбасидир. 19 декабр куни Ҳусийларнинг ҳужумидан сўнг ЦАХАЛ гуруҳнинг Ямандаги, жумладан, пойтахт Санадаги позицияларига ҳаводан зарбалар берган эди", деб ёзади Тhe Times of Israel.