Isroilning “Temir gumbaz” mudofaa tizimi Husiylar tomonidan Tel-Avivga yo‘llangan ballistik raketani ushlab qola olmagan. Raketa 8 ta turarjoy binolaridan iborat kompleksga tushgan. Hodisa joyiga yong‘in o‘chirish guruhlari yuborilgan.
Falokat joyi o‘rab olinib, hozirda politsiya va harbiy razvedka mutaxassislari ishlamoqda. Raketa hujumi oqibatida 30 kishi jarohatlangan.
"Bu Husiylarning so‘nggi kunlarda Isroilga uyushtirgan ikkinchi raketa zarbasidir. 19 dekabr kuni Husiylarning hujumidan so‘ng SAXAL guruhning Yamandagi, jumladan, poytaxt Sanadagi pozitsiyalariga havodan zarbalar bergan edi", deb yozadi The Times of Israel.