Япониянинг Кюсю ороли ҳудудида 6,9 ва 7,1 магнитудали кетма-кет иккита зилзила содир бўлди. Бу ҳақида Миллий метеорология бошқармаси маълум қилди.
Зилзила эпицентри Миязак префектураси яқинида бўлиб, унинг ўчоғи океан тубининг 30 километр чуқурлигида жойлашган.
Ҳодиса оқибатида тан жароҳати олганлар ҳақида ҳозирча маълумот йўқ. Зилзила туфайли айрим ҳудудларда тезюрар поездлари ҳаракати тўхтатилган. Шунингдек, минтақадаги Сендай ва Иката атом электр станциялари текширилмоқда.