Ер коинотдан олинадиган электр энергияси билан таъминланади
“Роскосмос” қуёш энергиясини коинотдан Ерга узатувчи истиқболли космик электр стансияси лойиҳасини ишлаб чиқди.
Мазкур лойиҳа об-ҳаво шароити ва кун вақтидан қатъи назар, Ернинг узоқ – орол, тоғ ва шимолий ҳудудларини муқобил электр энергияси билан мунтазам таъминлашга қаратилган. Шунингдек, фавқулодда ҳолатларда энергияни бошқа космик кемаларга ўтказиш имконини беради.
Электр станцияси мажмуаси икки қисмдан иборат бўлади: коинот ва Ер. Космосда трансмиттер модули – 70 квадрат метр майдонга эга учувчисиз космик кема бўлади. У Қуёш энергиясини тўплайди ва уни Ерга узатади. Қабул қилувчи модул сиртда жойлашган бўлади – антенналар тизими лазер канали орқали қуёш энергиясини олади, уни ўзгартиради ва тарқатади.
Аввалроқ Жефф Безос тижорий космик кема қурмоқчи экани хабар қилинган эди.
Насиба Тўхтаева
