Бугун, 4 декабрь куни Нур-Султон шаҳрига ташриф билан келган Шерзод Шерматов бошчилигидаги делегация Марказий Осиёдаги энг йирик халқаро технопарклардан бири – "Astana Hub" фаолияти билан яқиндан танишди.
Учрашув давомида икки давлат ўртасидаги ҳамкорликнинг истиқболли йўналишлари, жумладан, стартап-индустрияни ривожлантириш доирасидаги масалалар муҳокама қилинди.
Делегация аъзолари Қозоғистоннинг Datanomix, ConnectedHHome, Oquda va iMAS каби IT-компаниялари билан танишди. Томонлар ҳамкорликни мустаҳкамлашдан манфаатдор эканини билдириб, Ўзбекистон ва Қозоғистон IT-компанияларининг икки давлат бозорига кириши масаласини кўриб чиқишга келишиб олдилар.
АКТ вазири Ш.Шерматов "Astana Hub" фаолияти, "42-мактаб" дастури концепцияси, шунингдек, коворкинг марказлари фаолияти билан батафсил танишди.
Жавоҳирбек Турсунов