Юлдуз Усмонова Ўзбекистонни тарк этмоқчи
Хонанда Инстаграм саҳифасида яқинда бўлган концертида мухлисларга қилган “дағдағаси” ҳақида гапириб, сўнгги пайтда чарчаганини айтган.
Юлдуз Усмонованинг мухлислар билан бўлган муаммоли вазият ҳақида гапириб: “Кўпчилик осон деб ўйлайди. Бунча одам билан ишлаш , уларни кўнглини олиш, асло, осон эмас. Ҳаммамизда ҳар хил ҳарактер бор. Ижодий жамоа билан бирлашиб бу концерт дастурини сизларга тақдим этиш жуда катта иш”, дея дастур давомида бўлган қийинчиликлар ҳақида ҳам айтиб ўтди.
Эслатиб ўтамиз, Юлдуз Усмонова 14 март куни бўлиб ўтган концерт дастурида муҳлислари билан зиддиятга учраганди. Ушбу ҳолат катта танқидга учраб, ижтимоий тармоқларда кенг муҳокамаларга сабаб бўлди.
“Бу консертимиз пикка чиқди. Энди бундан яхшисини қилиш керакки, пасини қилиб бўлмайди. Чарчамай илож йўқ. Анча чарчаганимни ҳис қилдим. Шунинг учун, ижодий жамоамиз билан 1 йил дам олиб, умуман ўзгача руҳдаги концерт қилишга қарор қилдик. Йил давомда муҳлислар қўшиқларимизни эшитиб “ҳазм қилиб” юради. Концерт бўлмайди дегани, биз ижод қилмаймиз, дегани эмас. Қўшиқларимиз премерасини тақдим этиб борамиз", дейди Усмонова.
Маълумот ўрнида: Хонанда таътил давомида Миср ёки Туркияга саёҳат қилмоқчи. Ундан ташқари, хаттотликка қизиқиши ва уни мукаммал ўрганиш ниятида.
