Xitoyda oilalarga uchta farzandli bo‘lishga ruxsat berildi
Xitoy hukumati oilalarga 3ta bolali bo‘lishga ruxsat berdi. Bu haqda bugun Xinhua agentligi xabar qilmoqda.
Xabarda aytilishicha, bunday qaror aholining tez qarishi natijasida mamlakatdagi demografik vaziyatni inobatga olib qabul qilindi. 1979 yildan 2015 yilgacha Xitoy “bir oila – bir bola” siyosatini olib borgan. Buning negativ oqibatlaridan biri aholining mehnatga layoqatli qismi qisqarishi bo‘ldi. 2015 yilda mamlakatdagi har qanday oilaga 2 nafardan farzandli bo‘lishga ruxsat berdi. Shundan keyin Xitoyda rekorda rarajada tug‘ilish kuzatildi.
Oldinroq Xitoy xalq respublikasi jamoat xavfsizligi vazirligi 2020 yilda Xitoyda tug‘ilish darajasi 30% ga tushganini eʼlon qildi. “2020 yilda tug‘ilgan chaqaloqlar soni 10 mln 35 mingni tashkil etdi, ulardan 5,29 mlni (52,7%) o‘g‘il bola, 4,74 mln (47,2%) qiz bola”, - deyiladi tashkilotning fevral oyida eʼlon qilingan hisobotida.
Sharofat Mahmudova
