Misr chet ellik sayyohlarni mamlakat hududiga PZR-testsiz kiritadi
Misr hukumati koronavirusga qarshi toʼliq emlangan chet ellik sayyohlarni mamlakat hududiga PZR-testsiz kiritadi. Gap faqat koronavirusning mutatsiyaga uchragan turlari qayd etilmagan davlatlar fuqarolari haqida.
Sayyohlar JSST yoki Misr dori vositalari boshqarmasi tomonidan tasdiqlangan vaktsinalardan biri («Sputnik V», Pfizer, AstraZeneca, Moderna, Sinopharm, Sinovac, Johnson & Johnson) bilan toʼliq emlangan sayyohlar emlangani haqidagi sertifikatni taqdim etishlari kerak boʼladi. vaktsinatsiyadan 2 hafta oʼtgach mamlkat hududiga kirishga ruxsat beriladi.
“Koronavirusning mutatsiyaga uchragan shtammlari taʼsir oʼtkazgan davlatlar” roʼyxatiga Indiya, Bangladesh, Pokistan, Butan, Myanma, Nepal, Vyetnam, Shri-Lanka, Braziliya va Lotin Аmerikasining boshqa davlatlari kiritilgan. Bu davlatlar fuqarolari aeroportda koronavirusga molekulyar ekspress-test topshirishi kerak.
Sharofat Mahmudova
