Fransiyalik yosh yigit va uning qarindoshlari 11 mln yevro davlat pulini o‘zlashtirdi

Fransiyalik yosh yigit va uning qarindoshlari 11 mln yevro davlat pulini o‘zlashtirdi. Bu pullar koronavirus pandemiyasi bilan bog‘liq inqiroz davrida korxonalarga yordam uchun ajratilgan.

Ko‘zbo‘yamachilar 3 mingdan ortiq korxonaning identifikatsiya maʼlumotlarini soxtalashtirib, ularning nomidan moliyaviy yordam olgan. Oila tunda Fransiyadan qochib ketishga uringan. Bir kun oldin tizim ishtirokchilaridan biri barcha bank kartalari muzlatilganini sezib qolgan. Gap nimadaligini tushungan 30 yoshli erkak xotini va ikki farzadini uyg‘otadi. Ular Sveysariyaga mashinada yetib olib, u yerda Tel-Avivga uchishni rejalashtirgan. Ammo ular allaqachon kuzatuvda bo‘lgan.

Endi erkak, uning xotini va otasiga nisbatan uyushgan ko‘zbo‘yamachilik, “pullarni yuvish”, jinoiy til biriktirish va sud tekshiruvi davomida mulkini yashirish ayblovlari qo‘yilgan.

Tintuv vaqtida oyoq kiyimi qutisidan 1,7 mln yevro naqd pul, 230 ming yevrolik soat, tilla va olmos taqinchoqlar topilgan, bank kartalaridagi 630 ming yevro bloklangan. Tergov maʼlumotlariga ko‘ra, 11 mln yevrodan ortiq mablag‘ noqonuniy yo‘l bilan o‘zlashtirilgan.

Firibgarlik aferasi 2020 yilda Fransiya hukumati COVID-19 davridagi ishsizlikka qarshi kurashishga qaror qilganidan boshlangan. O‘shanda kichik kompaniya yangi ish o‘rinlari ochilishiga mingdan ortiq shubhali ariza topshirgan. Kompaniya boshlig‘i esa aylanuvchi erkak bo‘lgan.

 

Sharofat Mahmudova