Italiya 28 iyundan boshlab ochiq havoda niqob taqishni bekor qildi
Ayni paytda Italiyada aholining 30% dan ortig‘i koronavirusga qarshi emlangan.
Sog‘liqni saqlash vazirligining buyrug‘iga binoan barcha hududlar epidemiologik xatarlar nuqtai nazaridan xavfsiz bo‘lgan oq zonaga o‘tmoqda.
Mamlakat aholisi baʼzi boshqa mamlakatlarda bo‘lgani kabi, yuqtirishlar soni ko‘paygan taqdirda, niqobni qayta ishlatish kerakligi haqida ogohlantirildi. Ijtimoiy masofa singari niqob taqish transportda, do‘konlarda, yopiq joylarda zarur bo‘lib qoladi. Shuningdek, ochiq havoda o‘tkaziladigan tadbirlar ishtirokchilari sonida cheklov mavjud.
Ayni paytda Italiyada aholining 30% dan ortig‘i koronavirusga qarshi emlangan.
Pandemiya davrida Italiyada kasallik yuqtirganlar soni 4,258,069 ga etdi.
Italiya allaqachon emlash pasportlarini berishni boshlagan. Italiya fuqarolari uchun olingan emlash to‘g‘risidagi hujjat bepul. Uni smartfonga yuklab olish yoki bosib chiqarish mumkin.
Nasiba To‘xtayeva
