3-iyul kuni karantin qoidalariga rioya etmagan va tibbiy niqob taqmagan 964 nafar fuqarolar maʼmuriy javobgarlikka tortildi
So‘nggi kunlarda epidemiologik vaziyat murakkablashib, koronavirus infeksiyasiga chalinganlar soni ko‘paymoqda.
Fuqarolarimiz, befarqlikka berilib, tibbiy niqoblarni taqmasligi ham kasallanganlar soni ortishiga sabab bo‘lmoqda.
O‘zbekiston Respublikasi Maʼmuriy javobgarlik to‘g‘risidagi kodeksining 54-moddasiga asosan, vakolatli organning maxsus talablariga zid ravishda jamoat joylarida niqobsiz bo‘lish bazaviy hisoblash miqdorining besh baravarigacha miqdorda jarima solishga sabab bo‘ladi.
Toshkent shahar IIBB xodimlari poytaxtimiz aholisi tomonidan karantin qoidalariga rioya etilishini nazorat qilishmoqda. Birgina 3-iyul kuni karantin qoidalariga rioya etmagan va tibbiy niqob taqmagan 964 nafar fuqarolar maʼmuriy javobgarlikka tortildi, 4885 nafar fuqarolar esa ogohlantirildi.
