Devid va Viktoriya Bekhem turmushining 22 yilligini nishonladi
4 iyul kuni yulduzli juftlik Devid va Viktoriya Bekhem birga oila qurganiga 22 yil to‘lishi munosabati bilan ushbu sanani nishonladi. Ijtimoiy tarmoqlarda ular bir-biriga taʼsirli tilaklar bildirib, oilaviy arxividagi suratlar bilan bo‘lishdi, deb xabar beradi “Korrespondent.net”.
«Oradan 22 yil o‘tgan bo‘lsa-da, chiroyli liboslarimiz hamon o‘zimizga yarashib turibdi. Yubileying bilan, seni juda yaxshi ko‘raman. Doim bir xil kiyina olishimiz uchun, ajoyib farzandlarimizni sovg‘a qilganing uchun senga rahmat», — deb yozadi sobiq futbolchi o‘zining Instagram‘dagi sahifasida.
«Seni yaxshi ko‘raman, Devid. Yubileying bilan», — deya yozgan Viktoriya.
Bekhemlar oilasining to‘rt nafar farzandi bor: Bruklin, Romeo va Kruz ismli o‘g‘illari va Xarper ismli qizi.
