Shvetsiyada vafot etgan fuqaroning jasadi O‘zbekistonga olib kelindi
Qashqadaryolik I.K 2021 yilning fevral oyida Shvetsiya davlatiga ishlash uchun borib, 20 iyun kuni salomatligi yomonlashib, vafot etgan.
Oila aʼzolarining murojaatiga asosan, O‘zbekistonning Germaniyadagi elchixonasi bilan birgalikda marhumning jasadini Vatanga qaytarish yuzasidan tashkiliy-huquqiy ishlar amalga oshirildi. 3 iyul kuni Xorijda mehnat faoliyatini amalga oshiruvchi fuqarolarni qo‘llab-quvvatlash hamda ularning huquq va manfaatlarini himoya qilish jamg‘armasi mablag‘lari hisobidan O‘zbekistonga olib kelindi.
Maʼlumot o‘rnida, joriy yilning 6 oyida xorijda vaqtinchalik mehnat faoliyatini amalga oshirayotgan vaqtda vafot etgan 218 nafar fuqarolarning jasadi Vatanga qaytarildi
