O‘zbekiston pasporti dunyo mamlakatlari pasportlari reytingida 91-o‘rinni egalladi
Shveysariyaning Henley & Partners konsalting kompaniyasi «Dunyo pasportlar indeksi»ni eʼlon qildi. O‘zbekiston fuqarosi pasporti reytingda 91-o‘rindan joy oldi.
Tahlilchilar 199 mamlakat pasportini solishtirgan. Reyting erkin harakatlanish indeksi, yaʼni pasport egasi vizasiz yoki soddalashtirilgan tartibda viza olish orqali nechta mamlakatga bora olishiga asoslangan holda tuzildi.
Afg‘oniston fuqarolari 26 mamlakatga bemalol bora olishlari mumkin. Iroqliklar esa 28 davlatga bora olishadi.
Reytingda yuqori o‘rinlarni Yaponiya, Singapur, Janubiy Koreya va Germaniya pasportlari egalladi.
Yaponiya fuqarolari uchun dunyoning 193 mamlakati ochiq.
Singapurliklar 192, Janubiy Koreya va Germaniya fuqarolari esa 191 mamlakatga vizasiz bora olishadi.
