Checheniston rahbari lavozimiga uch kishi daʼvogarlik qilmoqda
Checheniston Respublikasi rahbari lavozimiga 9 iyul holatiga ko‘ra uch nomzod ko‘rsatilgan. Nomzodlarni ko‘rsatish bosqichi yakunlandi, deya xabar beradi respublika saylov komissiyasi.
"Yagona Rossiya" partiyasining mintaqa bo‘limidan Chechenistonning hozirgi rahbari Ramzan Qodirov, Kommunistik partiyadan - Checheniston parlamenti deputati Xolid Nakayev, "Adolatli Rossiya - vatanparvarlar haqiqat uchun" partiyasidan nomzod respublika hukumati maʼmuriyati rahbarining o‘rinbosari Iso Hojimurodovlar saylovda raqib bo‘lishdi.
Nomzodlar o‘zlarini qo‘llab-quvvatlash uchun munitsipalitetlarning vakillik organlari deputatlarining 179 ta imzolarini to‘plashlari kerak, shundan 22 tasi - Checheniston respublikasi shahar okruglari vakillik organlari deputatlari imzosi bo‘lishi kerak.
Checheniston rahbari uchun saylovlar 19 sentyabr kuni bo‘lib o‘tadi.
