Navoiyda oltin qazib olinishi mumkin bo‘lgan yer uchastkalari auksionga qo‘yildi
Navoiy viloyati Nurota tumanida oltin qazib olish mumkin bo‘lgan yer uchastkalari auksionga qo‘yildi, deya xabar bermoqda everyday.uz elektron nashri.
Maʼlum bo‘lishicha, ushbu hududdagi 5ta (Shoxsoy-1/21, Shoxsoy-2/21, Shoxsoy-3/21, Shoxsoy-4/21, Shoxsoy-5/21) uchastka sotuva qo‘yilgan. Taʼkidlanishicha, auksionda ishtirok etish uchun arizalar shu yilning 12 iyul soat 13:00gacha davom etadi. Savdolar esa 14 iyul kuni bo‘lib o‘tadi.
Eslatib o‘tamiz, oldinroq O‘zbekiston oltin qazib olish bo‘yicha dunyoning eng yaxshi top-10 mamlakati tarkibiga kirgan edi.
