Tramp saylovda yana nomzodini qo‘yadimi?
AQSHning 45 prezidenti Donald Tramp 2024 yilgi saylov bo‘yicha bir qarorga kelganini eʼlon qildi.
Ammo u yuzaga kelishi mumkin bo‘lgan murakkabliklar tufayli bu qarorini oshkor qilmasligini ham aytdi.
“Hozircha omma oldida ochiq gapira olmayman, chunki bu kampaniyani moliyalashtirishga taʼsir qilishi mumkin. Ammo men o‘z javobimni aniq bilaman”, - dedi Tramp.
Bundan tashqari, Trapm konservativ siyosiy faoliyat konferensiyasi o‘tkazadigan anonim so‘rovnomada ko‘p ovoz oldi.
Sobiq prezidentni partiyadoshlarining 70 foizi qo‘llab-quvvatlagan.
Ikkinchi o‘rinni Florida shtati gubernatori Ron Desantis egalladi. Unga respublikachilarning 68 foizi ovoz bergan. Sobiq davlat kotibi Mayk Pompeo birinchi uchtalikka kirdi.
