Iroqda shifoxonada yong‘in chiqishi oqibatda 54 kishi halok bo‘ldi
Ироқ жанубидаги Ан-Насрия шаҳрида шифохонада келиб чиққан ёнғин натижасида камида 54 киши ҳалок бўлди.
Bu haqda Associated Press xabar bermoqda.
Alanga COVID-19 bemorlari davolanayotgan bo‘limni qamrab olgan. Natijada kamida 54 kishi halok bo‘lgan va o‘nlab odamlar jarohatlangan.
Yong‘inga qisqa tutashuv sabab bo‘lgani taxmin qilinmoqda. Boshqa maʼlumotlarga ko‘ra, alanga kislorod balloni portlashi oqibatida kelib chiqqan. Iroq SSV yong‘in sabablarini hali rasman eʼlon qilgani yo‘q.
Agentlik xabariga ko‘ra, yong‘in kelib chiqqan bo‘lim 3 oy oldin ochilgan. U 70 nafar bemorga mo‘ljallangan.
Sog‘liqni saqlash departamenti vakilining aytishicha, yong‘in boshlangan vaqtda bo‘limda kamida 63 kishi davolanayotgan bo‘lgan.
Taʼkidlanishicha, bino tez alangalanadigan materiallardan qurilgan.
Ayni paytda Iroqda COVID-19 ning navbatdagi to‘lqinini boshdan kechirmoqda. U yerda kuniga 9 mingdan ortiq bemor ro‘yxatga olinmoqda.
