Ayni damda poytaxtimizda O‘zbek-Pokiston ishbilarmon doiralari Kengashining birinchi yig‘ilishi bo‘lib o‘tmoqda
Joriy yilning yanvar –may oylarida Pokiston va O‘zbekiston o‘rtasidagi o‘zaro savdo hajmi 69,4 mln dollarni tashkil etgan.
Shundan eksportning ulushi 47,6 mln dollarga teng. 1 iyun holatiga ko‘ra respublikamizda Pokiston investitsiyasi ishtirokidagi korxonalar soni 163taga yetgan. Shulardan 43tasi qo‘shma loyiha bo‘lsa, 115tasi sof Pokiston kapitali asosida faoliyat yurityapti.
Yig‘ilishda kelgusidagi savdo-iqtisodiy aloqalari, o‘zaro tovar ayriboshlashni kengaytirish, biznes loyihalari sonini ko‘paytirish haqida so‘z bormoqda.
Qayd etilishicha, ikki mamlakat o‘rtasidagi savdo-iqtisodiy aloqalar so‘nggi yillarda keng miqyosda rivojlandi. Pandemiyaga qaramasdan hamkorlikdagi loyihalar soni sezilarli darajada oshmoqda.
