Shahzoda Jorjning “Yevro-2020” finalidagi reaksiyasi memga aylandi
Kembrij gersoglarining yetti yoshli o‘g‘li shahzoda Jorj “Yevro-2020” finalidagi Angliya va Italiya o‘yinini ota-onasi bilan stadionda tomosha qildi. Qirollik oilasining Londondagi Uemli stadionida tushgan foto va videolari ijtimoiy tarmoqlarda keng muhokamalarga sabab bo‘lmoqda, deb xabar beradi “Korrespondent.net”.
Foydalanuvchilar kichkina shahzodaning o‘yin davomidagi hissiyotli harakatlariga eʼtibor qaratgan.
O‘yinning ikkinchi daqiqasida britaniyalik futbolchi Lyuk Shou italiyaliklar darvozasiga gol urganida Jorj o‘zining hayratini yashira olmay, chin dildan kulgan va onasi Keyt Middltonni qattiq quchoqlab olgan.
Uning bu kabi harakati internetda memga aylanib, Twitter‘dagi futbol ishqibozlari tomonidan keng muhokama qilinmoqda. Ayrimlar ushbu rolikni butun umr qayta ko‘rishga tayyorligini yozyapti.
Shahzodaning bunday hissiyotli qo‘llab-quvvatlovi o‘yin jarayonini o‘zgartirib yubormagan: penaltilar seriyasidan so‘ng, Yevropa chempionatidagi g‘alaba Italiya futbolchilariga nasib etdi.
Jorj bundan juda qattiq xafa bo‘lgan va uning g‘amgin suratlari folloverlarning ko‘nglini buzib yuborgan.
«Ayni vaqtda butun Angliya — bu Jorj», — deb yozadi foydalanuvchialrdan biri.
