Amerikaliklarga yordam bergan afg‘onlar evakuatsiya qilinadi
Oq uy matbuot kotibi Jen Psaki amerikalik harbiylarga yordam bergan afg‘onlarni evakuatsiya qilish haqida gapirdi.
Uning so‘zlariga ko‘ra, ularni evakuatsiya qilish iyul oyining so‘nggi haftasida boshlanadi.
"Shuni tasdiqlashim mumkinki, maxsus immigratsion vizaga ariza topshirganlar uchun Afg‘onistondan reyslar iyulning so‘nggi haftasida boshlanadi va davom etadi", - dedi Psaki.
Amerikalik harbiylarga tarjimon va boshqa lavozimlarda yordam berganlar AQSH hukumatiga ishlagani tufayli xavf ostida qolishi mumkin.
Shuningdek, Jen Psaki AQSH bu guruhga kiruvchi barcha odamlarning barchasini amerikalik harbiylar mamlakatdan olib chiqilishidan oldin Afg‘onistondan evakuatsiya qilishini taʼkidladi.
