O‘zbekistonga sayohat uchun talab 46 foizga oshdi
Sayyohlik sohasi xalqaro parvozlarga yo‘l ochilganidan so‘ng yana tiklana boshladi. Tahlilchilar qaysi mamlakatlardan O‘zbekistonga sayyohlar tez-tez kelib turishini va talab qanday o‘zgarganligini aniqladi.
Aviachiptalarining eng katta qidiruv dasturi maʼlumotlariga ko‘ra, Rossiyadan kelgan sayohatchilar O‘zbekistonga ko‘proq qiziqish bildirmoqda. 2021 yilda Rossiyadan O‘zbekistonga aviachiptaning o‘rtacha yillik qiymati 2 335 021 so‘mni tashkil etdi. Sayohat qilish uchun eng arzon oy — iyul, bu oyda o‘rtacha chiptalar narxi — 1 255 013 so‘m.
O‘zbekistonga bo‘lgan talablar ro‘yxatida ikkinchi o‘rinni AQSH egallab turibdi. Amerikadan chiptalarga eng katta talab iyun oyida ham bo‘lib, o‘rtacha chipta narxi 8,144,733 so‘m. Uchinchi o‘rinni qozog‘istonlik foydalanuvchilar egallaydi, ular mamlakatga o‘rtacha bir hafta davomida, ko‘pincha may-iyun oylarida kelishadi va chipta uchun taxminan 1 154 442 so‘m to‘laydilar.
Shuningdek, O‘zbekistonga sayohat qilishni istagan mamlakatlarning eng yuqori qismida Janubiy Koreya, Belorusiya va Isroil bor.
Boshqa mamlakatlar foydalanuvchilari orasida O‘zbekistonga bo‘lgan umumiy talab Covid-2019 gacha davr bilan taqqoslaganda 46 foizga o‘sdi. Boshqa mamlakatlardan buyurtma berish hajmi 8 foizga oshdi.
