Tokioda koronavirusga chalinish holatlari ko‘paymoqda
Tokioda Olimpiya o‘yinlari boshlanishiga bir necha kun qolganida koronavirusga chalinganlar soni rekord darajaga yetdi.
Bir kun ichida shaharda 1832 ta yangi holat tasdiqlandi. Bu so‘ngi 6 oy ichida qayd etilgan eng yuqori ko‘rsatgichdir.
Mutaxassislarning fikriga ko‘ra, Tokioda epidemiologik vaziyat kelgusi haftalarda yana-da og‘irlashadi. Shuningdek, aholining yoshroq, emlanmagan qatlamlari orasida kasallikning sezilarli darajada o‘sishi kuzatilmoqda.
Yaponiya poytaxtida 22 avgustgacha favqulodda vaziyat mavjud.
Eslatib o‘tamiz, Olimpiya o‘yinlari 23 iyuldan 8 avgustgacha bo‘lib o‘tadi. Shuningdek, muxlislarning Tokio hududidagi barcha sport tadbirlariga tashrif buyurishlari taqiqlanadi.
Mamlakatda aholining taxminan 23 foizi koronavirusga qarshi to‘liq emlangan, bu esa ommaviy immunitetini shakllantirish uchun yetarli emas.
Nasiba To'xtayeva
