AQSH va Yevropa davlatlari Afg‘onistonda o‘t ochishni to‘xtatishga chaqirishdi
AQSH va Yevropa mamlakatlari Afg‘onistonda tobora kuchayib borayotgan zo‘ravonliklardan xavotirda. Ular Tolibonni tajavuzkorona harakatlarni to‘xtatishga chaqirmoqdalar. Tegishli qo‘shma bayonot Aqsh Davlat departamenti saytida joylashtirilgan.
"Biz ikkala tomonni ham o‘q otishni to‘htatishga, kelajakdagi Afg‘oniston davlatining asosiy tamoyillari va yakuniy siyosiy kelishuvga erishilgunga qadar o‘tish davri boshqaruv mexanizmlarining tafsilotlarini kelishib olishga chaqiramiz", - deyiladi bayonotda.
Bundan tashqari, davlatlar Tolibon nazoratida bo‘lgan hududlarga insonparvarlik yordamini kiritishga ruxsat berishni, diplomatik missiyalar, jurnalistlar va aeroportlar xavfsizligini taʼminlashni tavsiya etishgan.
Eslatib o‘tamiz, Afg‘oniston hukumati va Tolibon o‘rtasidagi qarama qarshiliklar davom etmoqda. AQSH o‘zining harbiylarini olib mamlakatdan olib chiqishni boshlagani fonida kurash yana-da kuchaydi. Afg‘oniston xavfsizlik kuchlari butun mamlakat bo‘ylab terrorizmga qarshi amaliyotlar olib bormoqda.
Bir necha kun avval, Afg‘onistonning sobiq prezidenti Hamid Karzay ham “Valday” xalqaro klubidagi diskussiyada ishtirok etar ekan “Mojaroni harbiy usul bilan hal etish hech kimga g‘alaba keltirmaydi”, - deya qayd etgan edi.
