Leonardo Di Kaprio ishtirokidagi "Omon qolgan" filmi voqeasi hayotda takrorlandi
AQSH sohil qo‘riqchilari sayti xabar qilishicha, voqea Alyaskaning olis, aloqa vositalari ishlamaydigan shaxta lagerida yuz bergan.
Shu hududda ishlayotgan erkakka ovqat izlab yurgan grizli hujum qilgan.
60 yoshli erkak to‘pponchasidan otib, yirtqichni haydagan, ammo u bir hafta mobaynida har tunda erkakning uyiga hujum qilishda davom etavergan.
Bu orada ayiq uy eshigini ham sindirib tashlagan. Natijada tun kirishi bilan erkak uchun yashash uchun kurash boshlangan. Kun sayin qurbonning madori tuga, 2 dona patroni qolgan.
Hatto, bir marta ayiq erkakni oyog‘idan sudrab daryogacha olib borgan, ammo u qochib keta olgan.
Qahramonimizning baxtiga, uni yovvoyi tabiatni o‘rganayotgan olimlarning oldidan qaytayotgan harbiylar payqab qolishgan. Sohil qo‘riqchilarining vertoleti bulutlar sabab o‘z yo‘nalishini o‘zgartiradi va uyning tomiga yozilgan SOS yozuvini ko‘radi. Tomda "omon qolgan" yordam chaqirib sakrayogan edi.
Natijada erkak shifoxonaga olib ketildi. Shifokorlar uning oyoq va ko‘krak sohasida jarohatlar borligini aniqlashdi.
Sharofat Mahmudova
