Prezident yangi qonunni imzoladi
«Fazoviy maʼlumotlar to‘g‘risida»gi Qonun (O‘RQ–702-son, 23.07.2021 y.) Prezident tomonidan imzolandi.
Qonunga muvofiq, fazoviy maʼlumotlar fazoviy obyektlar to‘g‘risidagi, ularning joylashuvi, shakli, xossalari xaqidagi maʼlumotlardan iborat.
Davlat soliq qo‘mitasi huzuridagi Kadastr agentligi fazoviy maʼlumotlar sohasidagi maxsus vakolatli davlat organidir.
Fazoviy maʼlumotlar milliy infratuzilmasini rivojlantirishga doir faoliyatning muvofiqlashtirish maqsadida Kadastr agentligi huzurida Fazoviy maʼlumotlar milliy infratuzilmasini rivojlantirish bo‘yicha Muvofiqlashtiruvchi kengash tashkil etiladi.
Fazoviy maʼlumotlar bazaviy va sohaga oid fazoviy maʼlumotlarga bo‘linadi.
Fazoviy maʼlumotlar va metamaʼlumotlar davlat organlariga o‘z vakolatlarini amalga oshirishi uchun – beg‘araz asosda, boshqa foydalanuvchilarga esa – Kadastr agentligi tomonidan Moliya vazirligi bilan kelishilgan holda belgilanadigan miqdorlardagi haq evaziga taqdim etiladi.
